-
玫瑰
是夢吧 那個女孩 叫玫瑰 是她 想帶走你嗎 你生氣了吧 分開久了 在想我嗎 告訴你 這真的是夢啦 現實的我 每分每刻 都在想著回家 家𥚃有一個她 玫瑰當然不會是她 是她收了我的玫瑰花 並在等一天 嫁給我吧
-
940920
劇中分別有兩個時空，A時空係二月廿九既原來時空，第一輯中，Yessa有穿越未來既能力，而喺結局家聰犧牲後，就出現B時空….咁A時空既yessa，佢既意識就跳左去B時空，但仲係帶有A時空既記憶。 神聖學會既大家，推斷出A B時空，喺94年9月20日前係相同的… 第二輯大家既穿越能力唔同咗，今次唔係去未來，係透過相片回到過去… 回帶返到去到94年9月20日，楚凝嘅犧牲，就分裂左B時空，一個家聰媽媽無自殺既時空，所以邏輯上，B時空出現，係唔關YESSA事嘅，並唔係上集嘅結尾分裂出來…只係家聰犧牲咗，令到yessa既意識去左第二個時空🤔… 而yessa 到左B時空，佢又入相回到過去，佢都叫做幫到手救人既，但佢最緊要既任務應該係比張飛楚凝，咁令到B時空既作家家聰，有機會再遇上楚凝…. 而A時空楚凝既消失，神聖幾何學會依然存在，但大家無左對佢既記憶，並繼續run 呢個學會，家聰就因為若有所失而離開去探索世界，繼而發展二月廿九既劇情… 結論係如果A時空yessa 無去到B時空，B時空既家聰就唔會太空館再遇上楚凝… 而楚凝如果無返去救人，就唔會從大家記憶消失，A時空既神聖幾何學會也會不一樣，唔會順利發展二月廿九既劇情… 所以A B時空雖然係平衡時空，但係其實係相輔相成，兩個時空互相影響… 但有個bug，到底B時空原本既yessa 去左邊，佢比A時空yessa 強佔身體，然後就無然後…. 而B時空喺94年9月21經已分裂出來，即係話A時空家聰既死係多餘既，因為B時空並唔係因為佢分裂出來…
-
問路
今日喺公司附近，有個幾靚既女仔向我問路，禮貌的我當然會教佢點去，教完，佢禮貌地比個微笑🙂再講句唔該… 然後就沒然後了… 地球好似有七十億人，香港也有七百萬，每天跟不同的人擦身而過，有幾多對能夠相遇相知？人性係貪心既，係貪新鮮既…人生唔會知道幾時遇上唔同嘅人，幾時會有唔同嘅考驗… 林夕話: 不抗拒任何引誘，不為任何人守候！ 我以前曾經覺得佢啱架，呢一種自由，應該會係幾開心既人生… 薯仔語錄: 學會抗拒引誘，只為一個人守候！ 唔記得由幾時開始，我電話wallpaper就轉上左薯女，原因係因為，我想提自己:”你睇，你女朋友幾靚女！” 引誘隨時會有，唔只要學會抗拒，還要抗拒得像呼吸般自然，我唔係要記住抗拒，係要習慣，要讓身體記憶知道，你有她就足夠了…
-
940920
套劇都未播完，導演竟然對觀眾表示由於反應不似預期，表示自責，再解釋到劇本拍成咁既原因…. 我覺得佢咁做有點多餘，佢提到有原本的劇本，劇情完全不同，這個提來好像沒意義，因為都無拍到出來，跟本唔知結果係點，有好劇本拍亦都可以拍得差的… 而且作為一個創作人，無必要去判斷太多觀眾感受，太多判斷，就太商業化，太多既自我審查，這樣對創作毫無幫助。而且難得viutv呢個平台，看似比好大自由度創作人去發揮，老闆都未鬧，就不用太理會觀眾…就好似王家衛嘅戲，又有幾多個睇得明。 “追求卓越，成功自然找上你！”- 3idots 用心怕好自己想拍既野就夠啦！ Ps: 我集集追，未大結局唔比評語，穿越劇個結局點收尾好緊要，2月29都係個尾收得好先得到咁高評價！ PPS: 獨居青年唔應該睇太多愛情片，我越睇越掛住薯女😩
-
白色情人節
這節日出自日本。日本的女士會在2月14日收到男士的禮物，並選擇在一個月後的3月14日作出答覆，並稱作白色情人節。 2022既呢一日，對我既意義，應該係比我知道我大概同薯女分開住個幾月啦🥲… Btw, 香港昨日地震，記憶中好似係第一次感受到，雖然只係搖左兩下細細力，我立即打比夢薯女，但佢唔聽電話🤦🏼話晒都地震，點都擔心下丫。之後佢搵返我，話原全感受唔到🙈… 仲有8個月…
-
Surprise
薯女今日發現咗，其實呢排我好得閒，仲好自由添！？佢就話我應該有好多時間預備驚喜俾佢🙈…但驚喜佢，就唔係咁易既🥲 記得有一次鬧交，鬧鬧下佢話我話左要寫本旅行日記，講完又無左件事，但好在其實我係有偷偷地寫，一拎本日記出來，個場仗就完勝左…我覺得嗰次都係一次成功既驚喜🤔 今次我無偷偷地寫呢個blog ,只係佢無睇😎 女人有時唔難氹，佢要既只係你要記得佢講過嘅嘢，要比佢知道你個心入面有佢，佢就會自然賢良淑德啦！
-
禮物🎁
我曾經送過一部寶麗來相機俾薯女，當時佢係話唔鍾意，佢話我係送啲自己想要嘅禮物俾佢… 早兩日我問佢拎部相機想攞返公司用，佢話唔俾，雖然佢唔鍾意部相機，但佢鍾意我送俾佢嘅嘢… 聽到佢咁講，我個心喺度笑、個嘴都喺度笑(Long d 進行中，薯女睇唔到😌)
-
“出口會傷人， 所以佢唔鍾意講野！” – 一代宗師 說話會傷人，文字都會傷人…網絡既世界，做就左一些鍵盤戰士。而要知道，這些記載網絡上的種種，比衝口而出的惡言更利害，因為這會是永久的… 今日想講既係，點解要寫負評🤔，記憶中我自己係有寫過投訴信既，原因係一次旅行團遇上一個不負責任既導遊，佢做既服務令我地一班剛相識既團友，都一齊覺得影響我地人生安全！所以我寫左封千字文投訴信… 而家上網方便，會有唔同網站比大家評論各種，就好似openrice，就會有大量食評資料… 其實心水清既人，都會知其實有9成正面既評論，應該都係打手寫既…咁負評呢?🤔係咪市面上有公司專幫人寫負評呢，打擊對手公司🤔?如果係都係生意手法，有正有負，好正常。但我發覺有d人就好奇怪，係會周圍寫負評的，食咩都食神上身，食幾廿蚊野都要寫到人地一文不值。我本人覺得，其實去間餐廳，唔啱食、唔好食，咪唔好再幫襯，始終各人口味唔同，無必要上網寫衰人。寫衰完，自身有咩利益呢？會有人發掘你去做打手🤔。定係呢種人真係咁得閒呢，有必要去食野影晒相有安排地寫衰人…呢種人係咪心理變態？ 出口會傷人，所以有時我會唔敢亂同薯女講野，驚講錯野，又會嗌交…但相處耐左，我就明白，我講錯野，係因為我無考慮過佢既觀點，倆個人相處，要長久，了解對方很重要，每做任何事，都已經唔係自己一個既事… 薯女，呢排我激親你係咪少左🙈，放心，日後一定會更少🙊
-
地產仔
馬王:”炒賣既叫做單位，有人情味既，嗰啲叫做家！” 又係viutv既劇集，睇呢套本來係為左睇浩南哥同fish，但睇睇下發覺每個角色都幾吸引，反而發覺浩南同fish 並唔係咁多戲份。 故事一貫viuTV作風，冇咩高潮位，冇特別嘅愛情線，仲差不多每集都玩一樣野-重複對白…但佢重複得來又唔令你煩厭，仲幾好笑🤭 主角狐飛係戇直到暈既人，現實生活根本唔可能搵到一個咁嘅人，但就係一個咁嘅人，佢會有咩唔怕直接講，佢又唔怕俾人笑，每句說話都係真心嘅！其實呢個世界需要多啲咁既人，現代人太多爾虞我詐，尤其係人大咗，想有個真心朋友係一d都唔易。 Stanley 喺劇到經常扮MJ mood walk,應該大家都一睇就知！但唔知大家又有無留意到有一幕係扮小丑樓梯跳舞，但呢幕我覺得可以拍得再靚d，要抄要致敬就應該抄得盡d😂 P.s: 薯女，我地一定要有一個屬於我倆，有人情味既家…
-
繼續掛念
昨日先寫薯女照顧我，而家自我隔離緊要獨立自己顧掂自己，今日薯女就拎晒d護膚品沖涼液來探我，所以佢係抵讚、抵娶既🥰… 薯女話，呢次既強迫性分居，感覺同平時鬧交分開唔同，反而咁會無咁唔習慣🤔 我唔識答佢，因為我地自從住左一齊之後，好似無鬧交分開過，我次次都即晚氹番佢嘅🙈