地產仔

馬王:”炒賣既叫做單位，有人情味既，嗰啲叫做家！”

又係viutv既劇集，睇呢套本來係為左睇浩南哥同fish，但睇睇下發覺每個角色都幾吸引，反而發覺浩南同fish 並唔係咁多戲份。

故事一貫viuTV作風，冇咩高潮位，冇特別嘅愛情線，仲差不多每集都玩一樣野-重複對白…但佢重複得來又唔令你煩厭，仲幾好笑🤭

主角狐飛係戇直到暈既人，現實生活根本唔可能搵到一個咁嘅人，但就係一個咁嘅人，佢會有咩唔怕直接講，佢又唔怕俾人笑，每句說話都係真心嘅！其實呢個世界需要多啲咁既人，現代人太多爾虞我詐，尤其係人大咗，想有個真心朋友係一d都唔易。

Stanley 喺劇到經常扮MJ mood walk,應該大家都一睇就知！但唔知大家又有無留意到有一幕係扮小丑樓梯跳舞，但呢幕我覺得可以拍得再靚d，要抄要致敬就應該抄得盡d😂

P.s: 薯女，我地一定要有一個屬於我倆，有人情味既家…