Movie
-
請問還有哪裡需要加強
電影好不好看已不重要 重要的是我終於哭了
-
Balloon
Is it more important than a balloon? - Pooh
-
你能做得到嗎？
周慕雲: 好難架，不過我試下。 2046
-
取一念
萬般皆是心 點點皆由人
-
華燈 江瀚
如果這次是最後一次，我們可以好好說話嗎？
-
承諾
要是承諾可以用講的，我們就不用那麼痛苦吧！？
-
Top gun maverick
一套戲有人等咗30年先睇到續集，而我只係等咗一日。呢部戲應該係由我識電影開始，我就想睇嘅，但每次見到佢係198幾年嘅電影，就有少少卻步，等吓等吓，終於等到續集上，而且好評如潮，我又點可以比自己唔睇第一集就去睇第二集。亦都好彩我有溫書，呢套戲，絕對係將所有續集嘅電影拉到去第二個高度。好多戲都係為拍而拍，食老本，越拍越爛。電影嘅出現到而家，發展左幾多年我就唔知，但我知好多電影其實睇到悶，故事來來去去都係嗰個起承轉合，尤其是一啲英雄片，先講到個主角幾咁勁，跟住一啲事跌落谷底，幾番掙扎再創高峰。尤其係美國電影最鍾意講嗰幾句，” everyone will die, but not today” 大佬呀，第一次聽就覺得有型姐，之後套套戲都講差唔多嘅嘢，會厭㗎。不過亦都冇計，故事即係來來去去都係呢啲發展，咁一套戲點樣可以與別不同？早前嘅蜘蛛俠我覺得係一個例子，三代同堂都做得出，證明電影係有無限可能。到呢套top gun,如果呢套戲選擇幾年就拍下集，應該拍唔出呢個感覺，係要喺30年後，湯告魯斯啲啲佬味都出嚟，先有呢種感覺。佢講嘅新舊交替，望見年輕嘅大家，回想後生嘅自己，人生本來就係呢個循環，每一代到底要點樣去傳承 不過呢套戲係啱80後以前嘅人睇，因為就算係我咁鍾意睇戲，我都係昨日先睇第一集，而我問咗啲18歲嘅後生仔，佢哋係完全冇聽過呢套戲，更加唔知道有續集…我立即覺得咩料，明明Facebook個個都share，虎….佢哋都唔玩Facebook.
-
Doctor strange in the multiverse of madnes失控的多重宇宙
失控的多重宇宙，其實係失望的多重宇宙🥲 話係恐怖片又唔夠恐怖🥶係有驚喜位，但驚喜嘅人物全部都要死，咩玩法🤦🏼打鬥場面雖然新穎，但太卡通，仲要係少女卡通，兩個奇異博士戰鬥既一幕”🎶🎼🎵“我感受到嘅係有把細路仔嘅聲音”去啦，音符攻擊! 接招啦，暗黑音符反射….”當然套戲真係冇咁講，但呢個就係我嘅感受😆。講到個宇宙有幾咁失控，又喺蜘蛛俠度鋪排一大段嘢，原來搞亂個宇宙都唔關奇異博士事，只係一個跳咗掣嘅女人搞出來🤦🏼多重宇宙呢條橋，真係大把嘢可以玩，希望你今集只係開頭，下集俾返啲誠意啦🥲
-
四月十六日
“1960年4月16号下午三點前既呢一分鐘，你同我喺埋一齊，因為你我會記得呢1分鐘…” 1分鐘朋友，阿飛正傳嘅經典對白，唔知係幾時開始，學識咗睇王家衛…而睇王家衛嘅電影，係要一個人睇，多個一個人睇係會悶，當自己一個睇，你可以進入左佢嘅世界… 係呢個2022年4月16號，就係呢個4月16號嘅奇妙日子，我喺呢個網路世界度遊走緊，煩惱緊今晚睇咩嘅時候，我遇上王家衛，唔係，係陳輝虹先啱…呢30分鐘都係佢把聲… 2046呢個數字好得意，睇王家衛嘅人，都都應該知道2046原本係來自花樣年華嘅一間酒店房… 亦都因為呢套戲拍咗好耐嘅關係，2046變成左一個動詞，即係好耐好耐咁解… 2046仲一個好特別嘅意義，王家衛話2046入面所有嘢都唔會變… 咁2047呢?50年後既香港，會變成點？ 其實個世界點變都唔緊要，我同薯女，都唔變就可以了…
-
春嬌救志明
早十年多，春嬌系列既電影，貼地、寫實式既拍攝….抵死嘅對白，簡單既現代愛情故事。都算得上嗰個年代既經典… ”一世人流流長，總會遇上幾個人渣!” 都無咩80後既大家會唔識呢句對白。不過可惜既係，而家既香港，應該唔會有機會出現第四集，問題唔係無劇本，係主角同導演，唔知仲有幾多香港人願意比錢入去場支持。 唔好離題先，今日想提既其實係第二樣，樓上提到”人渣…”對白，人人都識，但大家記唔記得呢句” 無謂做咗啲咩嘢，又或者冇做啲咩野，而影響一段關係！” 無記錯應該係志明第三集講既… 而薯女今日就引用左呢句對白出post 歌頌我😆，當然佢係話我講呢句說話啦，唔知佢知唔知道我係引用電影嘅呢🙈… 一段關係，想要長久，一定要明白有啲咩可以做，有啲咩係唔可以做，關係係兩個人嘅事，從來都唔可以只顧一個人… 佢仲話每次我望住佢嘅眼神，佢都feel到愛，個心仲甜絲絲😍…其實佢唔知道嘅係，我成日都係佢瞓覺偷望佢，起身望佢會俾佢鬧🤣，但係呢段疫情期間，我都唔記得幾耐冇偷望過🥲