-
ALEX SOLIS Pooh Pooh
呢隻由oddworx既Alex solis 設計的winnie the pooh, 熊如其名-Pooh Pooh. 呢隻公仔都出左好幾年，每款都限量的，我買到呢隻係最初代original winnie the pooh color 5in height 既size , 全球限量100隻。 呢隻色初期出既時候仲有隻8.5in height , 而家仲出多左兩隻色，分別係粉紅色同埋土豪金，而且仲多左隻jumbo size, 由於每款都hand made 而且限量，我見jumbo size 既ebay 有人炒到幾萬蚊隻。 我好彩既，竟然比我用一個非炒價既錢入手一隻5in 版，其實呢隻最襟買，size唔大，啱晒香港人一般都好骨子嘅屋企做擺設。 而且薯女恨左有呢隻公仔好耐，仲記得上年佢生日，我仲未買到隻公仔，就整左隻蛋糕版本過佢🙈 當時佢而經好開心🥳 到今日愚人節，我又冇理由愚人節送禮物嘅，我就同佢講係兒童節禮物😜 佢打開後保持佢嘅態度，佢個咀無笑，但個心喺到笑😌 佢仲同朋友讚我:都七年啦，佢仲肯花心思搞呢d嘢😎！ 我想講，我希望我地到七老八十，我仍然可以做到啲嘢，令你個心去笑🥸
-
四月一
從那一年起， 香港人都不太喜歡愚人節… 因為那一年， 有一個看上去像是愚人的… 但原來是真的消息… 原來十九年啦…. 春天該很好，你若尚在場… 如果，玩轉極樂園提到關於生命的故事是真的…那麼我相信，你永遠都會在！
-
最重要的小事
世界紛紛擾擾喧喧鬧鬧 什麼是真實為你跌跌撞撞傻傻笑笑 買一隻維尼就算庸庸碌碌匆匆忙忙 活過一輩子也要分分秒秒年年日日 全心守護你最小的事 上面係馬莎既歌詞，都係我好鐘意既一首五月天歌曲，愛情就係要記著伴侶每一件小事。 一輩子中，兩個人會一起經歷嘅大事未必有很多，但小事呢，係每時每刻都會遇到，所以若要生活好，唔係買利物浦，係小事要做好。 今日又為薯女做左件小事，我仲未話佢知，我覺得佢會開心的🤫。
-
Try to remember
“Try to remember, the kind of september” 反起跑線聯盟其中一幕校長唱起呢首歌，音樂一起，我第一時間諗起黎明同舒琪既玻璃之城… 我已經唔記得套戲其實好唔好睇，但每次聽到呢首歌，就會諗起套戲 音樂好犀利，好嘅配樂可以令人記住套電影，音樂係可以有回憶嘅能力… 所以有件事我諗左都幾耐，就係我結婚當日早拍晚播應該用咩音樂、用咩歌，我唔想係一首我平時比客會用嘅歌，我想搵一首係屬於我同薯女嘅，我想偶然我哋可能會喺其他地方聽到，都可以諗起自己嘅婚禮… 但….我仲係毫無頭緒😭
-
一首最浪漫的歌
今日杜生出左個post，問下大家邊首歌最浪漫，基於佢d post 多數都好多人亂答問題既關係，我都參與下答左首”合氣道”，但我估呢首歌無咩人識，其實首歌係杜生既，大家只係記得佢首眼睛想旅行…. 但隔左一段時間，有人留言搭嗲喎，竟然係薯女，佢答最浪漫嘅歌應該係”天下無雙”，我都係嗰句，我個嘴又笑，我個心仲笑得開心🥳 呢首係我既求婚歌….之一😂 係我既讀唱版，鴉…唔係..係獨唱版… 虎…唔係，薯女話係毒唱版😂🎼🎶 情人眼裏可以出西施😎但聽我唱歌佢都應該係選擇行開啲🙉
-
S language
Viutv 新劇反起跑線聯盟，主角竟然係梁詠琪，真係好出奇點解會出返嚟拍劇，印象中好似知大台嘅劇都冇見佢拍過…但可能係我少睇大台唔識嘢姐🙈 再睇Gigi，真係回憶返晒來，初戀無限touch， 應該都算係80後既代表作電影之一… 還記得電影入面既s language，s stand for secret，學生時期用來講秘密既語言，到底新一代仲興唔興呢！記得讀書時其實都唔係好多同學識，有簡單d既，”隔字話”，同s language 既分別就係佢只係最尾個字要加s音，其他就每個字中間加個”字” example: 我愛薯女 隔字話: 我字愛字薯字女水 (最尾個字加s音並且低音) S language: 我saw 愛soy 薯 she 女衰 (一般應該都係轉s音而且高音) 係咪有d難明？ 其實當年都無人教我地，大家識既就識，唔識既點教都唔識😂 點先都蘇好蘇啦沙，我梳好蘇掛沙住書我梳女衰朋新友收😭
-
Facetime
剛剛同薯女講，話今日未facetime wor，初初佢唔理我嘅，過多陣我見佢冇回覆，我就同佢講我瞓啦，佢就自動自覺FaceTime我啦🥰 當你愛一個人，開心就係咁簡單，見你一面也好，緩我念掛🎶🎼 但我今日諗，好似唔係辦法，就算個疫情係共存定係training，其實我都好似返唔到屋企，諗到呢度我都唔知寫咩好😭😭😭
-
防不勝防
我係仲未明呢個blog 係點玩法既，但我發現最近幾個post 都有visitor ,但我又睇唔到係邊個，到底係咪薯女發現左我寫blog 🤔 如果唔係薯女既，麻煩留個言話我知唔係丫，唔好等我估估下🙂
-
可樂糖
我想用可樂糖寫首歌 歌中寫著你和我 首爾雪場的經過 小熊維尼不怕多 逛街記得要買糖果 你問我在寫什麼歌 點解寫到唔清唔楚 其實我怕有天我們變了公公婆婆 我唔記得你喜歡什麼
-
小玩意
看你扭動那小小玩意 原來會使我會心微笑 璀璨的在你手上閃耀 是我此生的榮耀 從此你的無名指 刻上了我的名字 曾聽說 開始就是終結就是開始 這循環對我們並無意義 我倆的故事 永無休止