Daily
-
“出口會傷人， 所以佢唔鍾意講野！” – 一代宗師 說話會傷人，文字都會傷人…網絡既世界，做就左一些鍵盤戰士。而要知道，這些記載網絡上的種種，比衝口而出的惡言更利害，因為這會是永久的… 今日想講既係，點解要寫負評🤔，記憶中我自己係有寫過投訴信既，原因係一次旅行團遇上一個不負責任既導遊，佢做既服務令我地一班剛相識既團友，都一齊覺得影響我地人生安全！所以我寫左封千字文投訴信… 而家上網方便，會有唔同網站比大家評論各種，就好似openrice，就會有大量食評資料… 其實心水清既人，都會知其實有9成正面既評論，應該都係打手寫既…咁負評呢?🤔係咪市面上有公司專幫人寫負評呢，打擊對手公司🤔?如果係都係生意手法，有正有負，好正常。但我發覺有d人就好奇怪，係會周圍寫負評的，食咩都食神上身，食幾廿蚊野都要寫到人地一文不值。我本人覺得，其實去間餐廳，唔啱食、唔好食，咪唔好再幫襯，始終各人口味唔同，無必要上網寫衰人。寫衰完，自身有咩利益呢？會有人發掘你去做打手🤔。定係呢種人真係咁得閒呢，有必要去食野影晒相有安排地寫衰人…呢種人係咪心理變態？ 出口會傷人，所以有時我會唔敢亂同薯女講野，驚講錯野，又會嗌交…但相處耐左，我就明白，我講錯野，係因為我無考慮過佢既觀點，倆個人相處，要長久，了解對方很重要，每做任何事，都已經唔係自己一個既事… 薯女，呢排我激親你係咪少左🙈，放心，日後一定會更少🙊
-
地產仔
馬王:”炒賣既叫做單位，有人情味既，嗰啲叫做家！” 又係viutv既劇集，睇呢套本來係為左睇浩南哥同fish，但睇睇下發覺每個角色都幾吸引，反而發覺浩南同fish 並唔係咁多戲份。 故事一貫viuTV作風，冇咩高潮位，冇特別嘅愛情線，仲差不多每集都玩一樣野-重複對白…但佢重複得來又唔令你煩厭，仲幾好笑🤭 主角狐飛係戇直到暈既人，現實生活根本唔可能搵到一個咁嘅人，但就係一個咁嘅人，佢會有咩唔怕直接講，佢又唔怕俾人笑，每句說話都係真心嘅！其實呢個世界需要多啲咁既人，現代人太多爾虞我詐，尤其係人大咗，想有個真心朋友係一d都唔易。 Stanley 喺劇到經常扮MJ mood walk,應該大家都一睇就知！但唔知大家又有無留意到有一幕係扮小丑樓梯跳舞，但呢幕我覺得可以拍得再靚d，要抄要致敬就應該抄得盡d😂 P.s: 薯女，我地一定要有一個屬於我倆，有人情味既家…
-
繼續掛念
昨日先寫薯女照顧我，而家自我隔離緊要獨立自己顧掂自己，今日薯女就拎晒d護膚品沖涼液來探我，所以佢係抵讚、抵娶既🥰… 薯女話，呢次既強迫性分居，感覺同平時鬧交分開唔同，反而咁會無咁唔習慣🤔 我唔識答佢，因為我地自從住左一齊之後，好似無鬧交分開過，我次次都即晚氹番佢嘅🙈
-
LONG-D
疫情關係，我已經同薯女分開住左成個月！兩人一起生活左好幾年，突然間要獨立，但就係咁既機會，先會明白女朋友既好。好簡單，我皮膚好乾燥嘅，佢會為我準備好潤膚露，每次用晒佢都會有新既比我…而家我要自己去買，買嗰刻先發覺，原來我係第一次自己買呢樣野，細個有媽媽照顧，大左就有薯女代替媽媽照顧我… 倆人生活，就係要學會互相照顧，唔知薯女喺呢段時間，有無需要我，掛住我呢！
-
Impossible is nothing
同一個世界 同一個天空 ！ 有國家放寬防疫，有城市繼續堅持清零！ 我地為抗疫煩惱，但世界嘅另一邊有人為守護家園而活在戰爭中… 經過呢幾年，再荒謬嘅事情都可以發生，會唔會有一日戰爭就係我哋身邊…. 以前讀歷史，世界大戰發生，遠因係軍備競賽，而呢樣野喺呢個世界無停止過…再會有近因，係某啲小型既國與國既侵略，再加個導火線就可以爆發！現在世界只欠一個導火線嗎？ 病毒又好，打仗又好….我們管不了未發生的，但可以做好當下，珍惜眼前人…
-
How to do a propose for free?
上次既求婚，其實已經成功左，但薯女話，如果可以做到次唔用洗錢但又成功令佢應承呢，咁就仲好🥲 我終於諗到個辦法，今次”日記求婚”!首先我估佢呢排應該無睇個blog,咁當有一日佢發現既時候，希望會睇得感動🤭但呢件事難度系數都幾高☹️一來我文筆唔好😂二來要keep住諗野寫，到底我諗到幾多呢🤔 第一日開始，我就由限聚令寫起…今日政府話防疫措施會去到4月20…咁講法鋪頭生意經已打定輸數🤦🏼，而且佢禁得咁耐，即係佢都估短期內確診人數都唔會受控，所以我既自我隔離繼續無了期😔薯女話我係放緊假，但其實我真係好掛住佢呢..我地對上一次咁耐唔見，要數返幾年前佢既澳洲之遊，但當時都有個限期丫，我知大概幾時等到，但今次真係難搞😭😭😭😭😭
-
疫情下，禁止各項社交活動、禁堂食、禁各行各業…禁無問題既，你禁得即係想話比大家知而家件事係好嚴重…今日我有認識的人自我檢測為陽性，我幫忙找資料應該點做，先發覺係無野可以做，入急症室可能要排9個鐘，排到床位可能係露天地方…而出面得十幾度…政府支援熱線唔係24小時，係聽錄音….工作人員要收工，重症都好難搵人幫到手…咁其實係醫療服務已經崩潰左?定係咩原因呢….？其實呢個病要點處理?只係打齊針，中左就唔駛理?
-
情人節
今日係情人節…唔知邊個發明,每個月十四號都會係唔同既情人節…所以由今日起,每個月十四號我都會聽一次first of May,呢首係我好鐘意既歌,而五月一號,都係我地一齊既第一日…我同自己講,只要聽多九次,就會到”電影情人節”,而到0個日,你就再唔係我情人⋯⋯
-
first of May
When I was small, and Christmas trees were tall,we used to love while others used to play.Don’t ask me why, but time has passed us by,someone else moved in from far away.Now we are tall, and Christmas trees are small,and you don’t ask the time of day.But you and I, our love will never die, but guess we’ll cry come first of May.The apple tree that grew for you and me,I watched the apples falling one by one.And I recall the moment of them all,the day I kissed your cheek and you were gone.Now we are tall, and Christmas trees are small,and you don’t ask the time of day.But you…
-
2022.01.06 求婚
在這一天，我求婚了，也成功了^^ 要安排一個感動又驚喜的求婚，真係一D都唔容易經過好幾個被反對既idea, 終於比我搵到個適合我去發揮“包戲院”–唔包唔知道，原來呢件事都唔係咁貴，只要找一個小型戲院，買十幾張飛已經做到呢件事而如果有其他要求戲院配合，就加錢解決，我就花多左$1500叫戲院幫忙播我自己edit既片段 故事發展:1. 先安排著女好姐妹kathy搵籍口約佢去0個間細院睇一次戲。因為一般無咩人會花錢買飛睇戲仲選間細院，我怕佢有咩懷疑，所以先搵籍口局佢睇一次。而且好順利，因為雖則只買左兩張飛睇Martix,但都成功包左個場lol….好讓下一次咁易進行 2.我偷偷地去睇左月老一次，起初無咩特別原因，只係想搵套愛情片，但一睇發覺fit到不得了，成套戲都係咁講求婚，最後仲啟發我改佢彩蛋，更成功地比到驚喜薯女。 3.定日子、訂花、整好求婚片段、約朋友幫手 4.奶野，1月5日上午決定好下星期進行，又爆疫，戲院要停….我打比戲院問佢地有無咩解決方案，佢地都做唔到咩，只係答後日就全關，直到另行通知…佢一關隨時又幾個月，月老都落畫吧…我個plan咪錯晒… 5.絕望之時，醒起其實我仲有一日時間，6號，但一日有無可能安排好所有野呢。。。搵戲院有無全empty既場，訂花，再約朋友，仲要佢姐妹諗一個咁急既籍口厄薯女又去睇免費戲…原來係得架…. 6.練歌，其實都唔係叫練，因點都係唱得衰T.T….但都要記熟歌詞 ，我唱天下無雙。 7.事發當日，我照常返工，中途走左去，薯女經已乖乖被騙就位。幫忙既人有佢一班妹組妹，有個幫忙扮pooh,弟弟同女友就扮月老，仲有同事仔live band助攻。過程雖則有d甩漏，無得彩排，張就下。。。 假既彩蛋，無啦啦多左pooh出現，但薯女竟然仲未發覺有古怪… 跟住播我倆這些年既片段，背境音樂我用左”愛的路上只有我和你“播到咁上下，先係pooh出場，再到月佬弟弟同大班朋友出動我再拎住99支玫瑰出來，依舊走晒音地唱天下無雙，最後加一句月老動人對白：有些事，係一萬年都唔會變”指定動作，下跪，我問、佢答，媽，我得左啦….^^ 後記:薯女催緊我幾時交片，希望我剪到出來啦^^”