今日接到一個寵物拍攝job, 係影一隻狗仔既…呢個年頭，相機有寵物eye tracking，寵物拍攝基本上無咩難度…但呢單job，就有一個特別之處，就係主角狗仔原來生病了，醫生表示如下日子不多，本來個客約我幾星期後影既，但傾傾下，佢話都係約近d好，怕狗仔唔知等唔等到😢… 攝影的重點 在於看不到的地方，這說話是當年老師教的，每張相都會有佢背後既故事，而故事未必係可以靠畫面紀錄下來，看得懂的人自然會明白… 記得有一次，朋友傳來一張相想我幫忙修圖，圖片是她的一位一個女性客人的人像照，笑容甜美，唔難執既..而佢既要求就係”執靚d”，其實呢d都係佢平時比相我執既要求，但係0個次佢仲有下一句: 張相將會身後事用，她差不多了… 我修圖時，心很難受，難受在雖然我並不認識那位女生，但我想到一個人當面對自己最後的日子，係點樣有勇氣會去搵攝影師影輯相，而且係要笑住去影… 攝影師既工作，係去紀錄，有時可能很簡單，按個快門就可以了，但相片背後可能有著不簡單既故事…