-
吸引力法則
只要相信，便能達到！由認識至今，我依然相信這力量是存在的。
-
卡拉OK
今日我同個小同事講，女朋友去唱K姐，唔使太擔心，最多冇咗個女朋友，當然我係講笑🙈 點知到我收工嘅時候，我問薯女喺邊，佢話佢去咗唱K🤣…認真，我真係無擔心，兩個人嘅信任係建立喺咩地方嘅呢？我都唔係好確定，我就係知，我信任薯女囉
-
再見我的nikon
今天放棄他們的時候 我沒說再見 Bye nikon
-
聲生不息
我唔係果一種極端到逢唔啱取態就必反既人，所以一樣嘢係好嘅，我都會睇會去聽回去欣賞。 今日睇咗呢個節目其中一集，佢哋不斷咁喺度講”港樂”，其實我有啲奇怪呢個字幾時出世既呢，廣東歌咪廣東歌，幾時變咗做港樂🤔。你去唱K，選擇介面不嬲都係寫廣東歌，國語歌，英文歌etc類似既選擇，遲啲係咪會變咗港樂、中樂、英樂…不過算，呢個都唔係重點。其實個節目好睇嘅，啲畫面咁靚，嘉賓咁熱情，觀眾咁有愛…又點會唔好睇。但有個問題我又發現，呢個節目明明係想講尊重呢個廣東歌，傳承呢個廣東歌，但點解可以一首歌，唔提佢嘅作詞人嘅呢，係一個咩氣度既國度，先需要咁樣去做事呢？之前有林夕變佚銘，宜家直頭作詞人都都冇需要。 時代嘅發展，大灣區事在必行，但可唔可以都比多少少愛我哋香港人。可能有幾廿年後，一班大灣區新世代，佢哋可以搵到多年前經典嘅港樂，但當佢哋想了解多啲首歌，想知咩作詞人咁犀利，以前寫得出咁嘅歌詞，佢哋會發現，原來香港有個年代嘅歌係冇作詞人架
-
最好的安排
霖師講過:一切都係最好嘅安排！ 陳蕾唱過:一切都是最好的安排🎶🎼🎵 但薯仔會話: 薯女，遇上你就係最好嘅安排。
-
殺出個黃昏
我覺得我就好似喺度模擬緊，一個人老咗得自己孤單一個，係幾咁可憐🥺 琴日睇呢套戲，見到謝賢，就要明白人係會老，就算你幾咁風光，都會有呢一日。 人生，一個轉身，一個回頭，一眼萬年…
-
Doctor strange in the multiverse of madnes失控的多重宇宙
失控的多重宇宙，其實係失望的多重宇宙🥲 話係恐怖片又唔夠恐怖🥶係有驚喜位，但驚喜嘅人物全部都要死，咩玩法🤦🏼打鬥場面雖然新穎，但太卡通，仲要係少女卡通，兩個奇異博士戰鬥既一幕”🎶🎼🎵“我感受到嘅係有把細路仔嘅聲音”去啦，音符攻擊! 接招啦，暗黑音符反射….”當然套戲真係冇咁講，但呢個就係我嘅感受😆。講到個宇宙有幾咁失控，又喺蜘蛛俠度鋪排一大段嘢，原來搞亂個宇宙都唔關奇異博士事，只係一個跳咗掣嘅女人搞出來🤦🏼多重宇宙呢條橋，真係大把嘢可以玩，希望你今集只係開頭，下集俾返啲誠意啦🥲
-
熱血足球
“波係圓既，雞聲一日未響都未完場。”皇馬喺呢場歐聯四強戰曼城，在一次完美演繹呢個道理，補時先來一分鐘追兩球，加時賓斯馬拎多個十二碼埋齋。呢個就係足球賽事好睇嘅地方，短短幾分鐘成件事係唔同晒。記憶中我第一次感受呢一種熱血，係當年曼聯嘅三冠王，歐聯決賽對拜仁，都係尾段連入兩球反勝。亦都係嗰陣時開始，我就愛上左睇波呢件事。講返呢場波，差唔多到尾段我都諗，今年好似有啲奇怪，皇家馬德里變咗做賓師馬德里，又點估到一個老將，去到今年先係佢發熱發亮嘅一年，先來一個助攻，再加多球十二碼，奠定勝局。足球如是，人生如是，冇人知幾時係天時地利人和，冇人知機會幾時嚟，但你要做好自己，機會嚟就係你㗎啦！
-
七年很癢
“我老婆去咗旅行… 使乜講…有咩搞？” 潘志民 呢套戲都十幾年前啦，由劉青雲、劉嘉玲、應采、安志杰主演，故事講述結婚多年嘅男主角潘志文個老婆去咗旅行，開始一段雙方偷跳嘅故事！但套餐經已介紹完，我今日係想講返我自己🙈 我以前會諗七年之癢係咩嚟，因為自己從來都冇經歷過，所以只可以諗。但到咗今日，我同薯女就夠七年啦，由陌生人到陪伴大家走過二千幾日，真的會生厭嗎？我又真係無，雖然唔知佢有冇😂！我點解咁肯定自己冇，係因為我而家同佢分居緊，我每日都好想返屋企😭。
-
Girl friend’s friends
上星期好奇怪，其實又唔係奇怪，只不過係薯女嘅朋友不約而同地搵我，每人搵嘅目的都唔同，有人搵我影相，有人搵我幫手收貨，有人路過搵我食煙，有人等人搵地方坐就黎我舖頭等，有人就話我知有單生意係佢朋友來，亦都有個係同我分享搭地鐵趣事…呢個感覺幾得意，當女朋友嘅朋友都當左你係朋友，呢個某程度上係一種肯定，佢哋都肯定我係走唔甩嗰個😂