寫字

今日有人讚我啲字都幾靚，其實我唔知佢係咪真心，我曾經有覺得自己寫字靚過嘅，但當好耐冇揸支筆，再拎返起想寫一手好字，係好難架😭，所以我一啲都唔覺得而家自己寫嘅字靚😂😂….不過咁，俾佢讚一讚，我又有心想得閒就練好啲字🙈….我仲記得讀書嗰陣，我仲有去專登練左手寫字，原因係唔知邊度聽返嚟，左右手係用左右腦唔同去交叉控制，所以想開發右腦，係必須要學用左手寫字，呢樣野好似係有科學根據嘅，但係我有冇成功開發右腦呢，我又唔係咁清楚😂…不過其實寫字真係好緊要，好似我去見工嘅時候，要寫履歷填form，我都會盡力寫靚啲啲字，一手字好可能係俾人嘅第一印象，睇文字就可以知道你個人既性格，薯女啲字呢，係好整齊的，亦都好代表咗佢份人真係好整齊，而且都好憎人唔整齊😂…

另外，都啟發左我少少嘢，賣個關子先，因為我真係唔知薯女有冇偷睇我寫日記😅