Daily
-
error遊
viutv到底有無取代大台既一日，相信係有既..呢個未必係大台個實力問題，應該係朝代更替既原因，潮流不斷在轉，viutv既節目，大概比較合新一代口味吧…就error遊來講，我認我係比較out date地呢排先去睇，呢到我唔評論佢既內容，而想講下佢既概念。原本綜藝節目可以係唔係得娛樂性質，係可以有理念表達…原來每個遊戲背後都可以帶出唔同既教育意義，節目雖然很多不雅，但細心看原來更存在著更多優雅…年輕人既勇氣、毅力、決心、挑戰，將綜藝節目拍到呢個地步，格仔mike真係應記一功….
-
遇見
上星期，在鋪頭突然有位客人叫我的全名…原來是小學同學來的，咁多年無見再加上疫情下帶住口罩佢都認到我。 早兩日，走去其他區觀察下做個資料搜集，行行下又撞到個十幾年前既酒吧同事，佢一講我先知就剛剛我有留意既餐廳，原來裡頭有好幾位都係當年既舊同事。 就昨天，開緊bigday，襯空閒走出outdoor呼吸一下，竟然撞到我親弟弟，佢係來食buffet的，真係約都無咁橋😮 人生好奇妙，有些朋友，你無聊時可以打比佢9up幾句…有些朋友，你打比佢都覺得自己無聊…有些同學，想約都未必約到…有些同學，唔約都會撞到…有些人出現，有些人離開…你估唔到幾時出現，都估唔到幾時離開⋯⋯C’est la vie
-
Butterfly effect
蝴蝶效應 – 一隻蝴蝶在巴西輕拍翅膀，可以導致一個月後德克薩斯州的一場龍捲風。 早兩日，有位朋友來找我，佢本身正職係一位律師，亦都係一位業餘攝影愛好者。咁佢呢，就先收到一位朋友請求幫忙處理一張已故老人家既照片，照片需要退地用作身後事的…咁當日我餐廳就比較忙，朋友到左來找我既時候，見我咁忙就忍唔一住出手幫忙客串做個侍應,亦都好彩有作幫手，咁我同薯女先做得切…咁好啦，忙完啦，朋友仲幫忙清理現場，收好餐廳檔先處理佢既相片呢個時候我就感覺很有趣，佢有個朋友家人過左身，可以引申到佢要0係到part-time左一陣侍應，而佢明明係一個律師來的，我就想到，蝴蝶效應…就係呢個意思吧! 還有一本書 – 天堂遇見的5個人….也是在說這一種關係，人一生中會遇上不同的人、會做不同的事，有時做每件事，看似微不足道，但對呢個世界，原來係會產生意想不到的化學反應…
-
又多一個尊敬既藝人走啦 😔…智叔 廖啟智 這幾天，大家都都在post電影十年裡，智叔在本地蛋中既一句:千其唔可以慣！呢句說話，對呢個年代既我們，好大影響….但智叔拍過咁多套戲，我印像最深既，唔係十年，係殺破狼戲中佢叫陸冠華，係一個老差骨，同家人關係唔多好既人物背境..其中一幕，打返屋企搵媽媽，順手慰問下經已反面既爸爸 …但換來媽媽既答覆係:佢走左啦…好簡單既對話，都係好簡短既故事橋段，就帶出左珍惜眼前人既重要..而我印像點解咁深，係因為我當年都有類似既經驗😢但我唔係反面，只係無0係仲有得相處既時候，好好珍惜…
-
富貴竹與轉運竹
今日薯太搵左個朋友到鋪頭睇風水，其實我地兩個都唔係過迷信既，但大家都覺得風水呢樣野，風水師叫到而自己又做到，都可以去試下既，一命二運三風水，我都覺總有d根據既!!咁風水師睇完晒，就叫我地擺一d風水設備，例如銅錢、流水陣、富貴竹等…. 到收鋪同隔離鋪吹下水，原來佢都幾信風水，仲話做生意唔到我地唔信咁話，咁大家就研究下風水師叫大家要做d咩，講到富貴竹0個part,笑點就來了^^ 話說佢從前家裡都有風水師叫佢擺富貴竹，咁佢就好乖去花墟訂左棵大大棵返屋企放，但0個年佢就覺得好似諸事不順咁，佢就搵返風水師來問，話自己都跟足晒點解仲係衰衰地咁，風水師就幫佢睇返先知佢原來係買錯左轉運竹，咁就奶晒野，擺好個陣要好運，點知轉走晒(笑到肚痛😂),所以佢就千叮萬囑我同無買錯，富貴竹係一枝枝直既，無買轉圈圈0個隻(繼續笑到肚痛🤣)
-
港府新招-封區
多區疫情爆發，香港政府出招日日新鮮，左禁右禁唔湊效， 禁晚市餐廳堂食、禁美容院、禁健身室等等⋯⋯ 其實禁唔係問題，問題係你禁左租户賺錢，跟住就推一堆所謂抗疫基金， 其實小商戶拎到既資助可能係租都未夠交，拎左去交租，就自己都無糧出⋯⋯ 然後政府呼籲業主減租，呢度真係要講粗口， 小商戶賺錢你就禁，點解你唔呼籲我地做小d生意齊心抗疫，而係禁止， 但業主就依然可以無視疫情繼續穩賺? 早兩日仲好笑，有兩位警察晚上7點左右行來我鋪頭， 警：你地係咪開緊鋪 我：係，有咩幫到你? 警：有人投訴你地營業中！ 我：唔係做做外賣都唔比呀? 警：咁你有無做堂食？ 我：咁你望唔望到有客? 之後可能佢都覺得自己問既問題有D白痴，佢就走左去⋯⋯ 應該一早封關你唔封，依家走去封區， 天才你仲有咩新招⋯⋯
-
香港既獨有文化-譚仔阿姐
話說今日鋪頭收到個外賣電話，係一位有鄉音既女仕打來叫外賣， 其實0係香港已經聽慣不怪，有食開譚仔既都肯定聽得明佢地講野， 但今日呢單堅好笑唔係流搞笑，以下係對話內容～ 譚：e個淆肉命 我：好，飲唔飲野 譚：爭珠那茶 我：仲有無其他野，無既請問送去邊? ～～～戲肉到～～～ 譚：送去XXX（xxx=某大廈) securit (我心諗講英文既咁西利既） 我：係咪即係大門保安部? 譚：唔係呀，係securit呀 我：係咪停車場門口保安亭？ 譚：多話唔係，securit簡係0係烚樓啦 （我如夢初醒) 我：哦，係10樓Q室…………..
-
coin master
一隻好無聊既遊戲，但又突然大量朋友都在玩，有人話呢隻game係考驗遊友情既遊戲，因為遊戲模式係就係炸朋友個城，但炸完人就要有比人炸回來既心理準備，如何去選擇炸邊個朋友就係呢個遊戲既難題… 薯女呢兩日見人地玩佢又開始玩，仲一路玩一路偷笑..佢玩左陣，我就收到order都要裝隻game開個小號不斷比佢炸…
-
Life with potato
這裡可以係生活點滴既記載、可以係一些分享、一些感受！ 只要遇到的、想到的，就到這裡記低吧 !